يارب انت وحدك القوى ادينا القوه ادينا يارب نصره من عندك اولادك محتاجين ايدك توقفنا تانى. يارب انت حافظت على كنيستك وعلى الايمان الارثوذكسى احنا عارفين يارب انك بتقوينا وبتحمينا وان كنت سمحت يارب بالحادثة الاخيرة ادينا وادى يارب اهل الشهداء التعازى .وجمعنا يارب لاننا للاسف بنتجمع فى الكوارث خلينا يارب كلنا ايد وحده كلنا يارب اولادك علمنا يارب اننا نقرب منك فى كل الاوقات مش فى الكوارث بس.. ازرع فينا حبنا لبعض وحبنا لايمانا بيك واحنا يارب عارفين تماما انك الوحيد الهتحافظ علينا لاننا اولادك
يارب احنا مزعلينك مننا لاننا بعيد ...قرب انت لينا علمنا يارب ازاى نشوف محبتك وازاى يارب نصليلك فى كل الاحوال مش بس لما نحتاج منك حاجه
قوى يارب قاده الكنيسة وحافظ انت على كنيستك
انت يارب قولت فى العالم سيكون لكم ضيق لاكن يارب انت سمحت بضيق او تجربة ادينا القوة
ازرع يارب المحبة بين الكل بمختلف الاديان وخلينا يارب نكون وجه مشرفه لاسم مسيحى
ارفع يارب صليبك حتى يمنحنا القوه ... صليبك يارب بيدينا القوه لتحمل اى تجارب
يارب يمكن التجربة دى تحديدا قربتنا من بعضنا ومن ناس كتير يمكن مكنتش تعرف اى حاجه عن المسيحيه
امنحنا يارب الحكمه علشان بجد نكون شرف لاسم مسيحية وعلشان لما الناس تشوفنا وتعاملنا تحب المسيح زينا .... احنا يارب بندعوك ادخل يارب جوه قلوبنا كلنا واعمل ماتراه مناسب لينا يارب محتاجين القوه منك ..... اولادك